Kosova
Zëvendëspresidenti i Parlamentit Europian mbështet liberalizimin e vizave
Zëvendëspresidenti i Parlamentit Evropian, Rainer Wieland, tha se e mbështet Kosovën në procesin e liberalizimit të vizave, shkruan REL, përcjell Albinfo.ch.
Gjatë një konference të përbashkët për media me kryeministrin e Kosovës, Ramush Haradinaj, në Prishtinë, Wieland tha se shpreson se Kosovës nuk do t’i vendosen kushte të reja në këtë proces.
“Unë do t’ju mbështes që të mos ketë kushte shtesë, përpos atyre kushteve që ju keni pasur. Fatkeqësisht, nuk mund t’ju premtoj se kur do të bëhet kjo (liberalizimi i vizave), për arsye se ka disa qeveri që ende nuk janë të bindura që ta përkrahin”, tha Wieland.
Ai tha se udhëheqësit politikë të Kosovës nuk duhet t’iu premtojnë njerëzve data se kur ata mund të lëvizin lirshëm pa viza në zonën Schengen.
Duke folur për mundësinë e ndryshimit të kufijve ndërmjet Kosovës dhe Serbisë, Wieland tha se kjo “nuk është ide e mirë”.
“Unë isha shumë i drejtëpërdrejtë me kryeministrin dhe i thashë se në momentin e parë që kam dëgjuar njerëz që propozonin ndryshimin e kufijve duke u bazuar në disa marrëveshje, unë isha shumë i dëshpëruar. Por, u bëra shumë i lumtur nga qëndrimi i kancelares (gjermane) Angela Merkel që e sqaroi se ne nuk mendojmë se është një hap i mirë për të ndryshuar (kufijtë) në këto rajone, sepse ka më shumë ndikime sesa në rajone të tjera në botë. Unë nuk mendoj se kjo është një ide e mirë”, tha zëvendëspresidenti i Parlamentit Evropian, Rainer Wieland, shkruan REL, përcjell Albinfo.ch.
Kryeministri Haradinaj tha se ka kërkuar mbështetjen e Wieland dhe të Gjermanisë për Kosovën në procesin e liberalizimit të vizave.
“Për mua është shumë e rëndësishme mbështetja e Gjermanisë, e zotit Wieland. Ia kërkova ndihmën sepse ne e kemi të vështirë t’ia shpjegojmë Gjermanisë të vërtetën për ne dhe kërkoj nga ai që të vazhdojë t’ua tregojë të drejtën e Kosovës të gjithëve”, tha Haradinaj.
Qytetarët e Kosovës janë të vetmit në rajonin e Ballkanit që nuk e gëzojnë të drejtën e lëvizjes pa viza në zonën Schengen.
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998