Lajme
Zëvendësministrja Gashi priti në takim studentët nga Universiteti i Vjenës
Zëvendësministrja e Punëve të Jashtme dhe Diasporës, Liza Gashi, ka takuar sot për një bashkëbisedim një grup studentësh të Universitetit të Vjenës, nga 19 shtete të ndryshme të botës, të cilët janë duke e zhvilluar një vizitë studimore në Kosovë, transmeton albinfo.at.
Zëvendësministrja Gashi i falënderoi studentët, të cilët kanë zgjedhur Kosovën si destinacion për ta realizuar këtë vizitë studimore dhe interesimit që kanë shfaqur për vendin tonë.
Gjatë bashkëbisedimit zëvendësministrja Gashi fillimisht i informoi studentët me rrugëtimin dhe sfidat nëpër të cilat ka kaluar populli i Kosovës deri në konsolidimin e shtetit. Gashi vuri në pah edhe progresin të cilin e ka arritur Kosova ndër vite, marrëdhëniet e mira bilaterale me partnerët tanë si dhe diskutoi për prioritetet dhe orientimin strategjik të Republikës së Kosovës për integrim në strukturat euroatlantike dhe organizatat e tjera ndërkombëtare.
Ndër të tjera, zëvendësministrja Gashi para studentëve foli edhe për zhvillimet e fundit në vend, përfshirë situatën e sigurisë, të drejtat dhe integrimin e komuniteteve në institucionet e vendit, bashkëjetesën fetare si dhe vlerësimet e organizatave ndërkombëtare të cilat e kanë renditur Kosovën si vendin më demokratik në rajon.
Ajo gjithashtu iu është përgjigjur pyetjeve të shumta, të cilët i drejtuan studentët. /Albinfo.at
E-Diaspora
-
Presidentja Osmani: Regjistrohuni, mërgimtarë! Presidentja e Kosovës, Vjosa Osmani, ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë