Kriza në Ukrainë
Zelensky kërkon nga BE avionë luftarakë
Sipas tij, jo vetëm Ukraina por edhe shtete të BE-së po rrezikohen nga Rusia
Presidenti ukrainas, Volodymyr Zelensky, i ka bërë sërish thirrje Polonisë që të dërgojë avionë luftarakë dhe tanke për të ndihmuar në luftën kundër pushtimit rus.
Në një videokonferencë me homologun e tij polak, Andrzej Duda, Zelensky paralajmëroi se nëse forcat e armatosura të Ukrainës nuk do të furnizoheshin me avionë luftarakë dhe tanke, ushtria ruse mund të përbënte një kërcënim për vendet fqinje të NATO-s.
“Nëse partnerët e Ukrainës nuk e ndihmojnë Kievin, atëherë ekziston një rrezik i lartë që ushtria ruse të përbëjë një kërcënim jo vetëm për territoret e fqinjëve tanë, Poloninë, Sllovakinë, Hungarinë, Rumaninë dhe vendet baltike, por edhe një kërcënim të drejtpërdrejtë të përgjithshëm ushtarak”, tha Zelensky të shtunën në mbrëmje, përcjell Albinfo.ch.
“Atëherë kufijtë dhe qytetet e fqinjëve do të kërcënoheshin nga rusët”, theksoi Zelensky.
Plani i Polonisë për të dërguar avionë luftarakë në Ukrainë nëpërmjet një baze amerikane në Gjermani duket se është hedhur poshtë pas kundërshtimeve të SHBA-së, pavarësisht lutjeve të Ukrainës.
Sipas Uashingtonit, një vendim i tillë mund të çonte në një konfrontim të drejtpërdrejtë mes forcave të NATO-s dhe ushtrisë ruse.
Ndërkohë, luftimet e ashpra kanë vazhduar në qytetin port të kontestuar të Mariupolit të shtunën, ndërsa forcat ruse kanë sulmuar gjithashtu për herë të parë qytetin më të madh të Ukrainës perëndimore, Lviv.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?