Zëdhënësi i Unionit gjerman Hahn: Nuk do ketë rabat politik për Shqipërinë dhe Maqedoninë

Nga marsi i vitit të ardhshëm BE do jetë më e vogël, për shkak se çanëtarësohet Britania e Madhe. Por nëse shkon sipas vullnetit të Komisionit Europian, BE do zgjerohet përsëri. Gjatë javës së kaluar KE dha dritën jeshile për fillimin e negociatave me Maqedoninë dhe Shqipërinë, shkruan Albrecht Meier për Der Tagesspiegel.

Përkundër raportit të KE, në shumë qarqe politike perëndimore bisedohet nëse vërtet është koha për nisjen e negociatave me të dyja vendet e lartëpërmendura, veçanërisht ajo me Shqipërinë.

“Në kohën kur Maqedonia në linjë të parë ka zgjidhjen e kontestit të emrit me Greqinë, në rastin e Shqipërisë ka një listë të gjatë të kërkesave,” përcjell albinfo.ch. “Problemi më i madh i Ballkanit Perëndimor mbetet korrupcioni.”

“Ne do e verifikojmë vetë, nëse Shqipëria ka përmbushur kriteret,” tha zëdhënësi i Unionit gjerman Florian Hahn (CSU) për median berlineze. “Aty nuk do lejojmë një rabat politik.”

Gjithashtu deputeti gjerman Gunther Krichbaum (CDU), mendon se fillimi i negociatave me Shqipërinë nuk është vendim i pjekur dhe njëherësh i parakohshmë. “ “Së pari dhe më kryesorja, korrupsioni dhe krimit i organizuar në nivelet më të larta janë një problem,” tha ai.

Shumë ekspertë dyshojnë gjithashtu në reformat e Malit të Zi dhe Serbisë, për të qenë pjesë e BE deri 2025.