Opinione
Ylli i Pashkëve, mrekulli e përjetuar
Mërgimtarqe, prej punës e për atdhe. Posa fillojmë të vendosim bagazhin në makinë aty kris grindja, mezi i fusim, si gjithmonë, janë shumë. Nejse më në fund nisemi të stërngarkuar të pajtuar e të gëzuar. Atdheu po na pret, kjo është për t’u festuar. Në Gothard kolona s’ka fund. Kjo e redukton pushimin tonë rrugor. Duhet të ngutemi. Destinacioni ynë është porti në Bari e prej aty për në Durrës. Kemi rezervuar dhe kemi kryer që para një muaji pagesën për udhëtimin tonë.
Kur arrijmë në Ancona është gjysma e rrugës. Është natë dhe papritur shohim para syve tanë një mrekulli: bie një yll nga qielli, aty pranë kur po kalonim ne. Unë shpejt i mendova disa dëshira ndërsa bashkëshorti im i habitur fort më thotë: mu dhimb ajo pjesë e yllit që ra në tokë. Është ylli i pashkëve i them, befasia që na gëzoi sot. Dhe kur dita zbardhi me diellin e kuqërremtë, gjithandej gjelbërimi kishte hapur krahët e tij të denjë. Rrugës prej Ancona për në Bari është një bukuri përrallore, natyrë e paparë. Ndërsa në Bari nuk është kështu, personalisht s’jam e kënaqur aspak. Papastërti, parregullsi, pa respekt rregulli në komunikacion që të lë pa fjalë.
Në port arrijmë në ora 12:00, agjencioni na thotë: Anija është mbyllur, keni ardhur vonë. Udhëtimi ynë është në ora 13:00, i themi me habi, por përgjigjja është: të paguani tjetër biletë me anijen e orës 18:00 që niset në ora 23:00. Deshëm apo jo, pajtohemi me zorin dhe kthehemi në makinë si gjithë të tjerët, të flemë. Bashkëshorti im fle, është lodhur nga vozitja.
Mua nuk më zë gjumi dhe i shikoj pëllumbat në shesh, se si më ngjajnë me mërgimtarët shpesh. Sa herë është vonuar anija në këtë port, deri dhjetë orë vonesë e për habi sot paska ikur krejt. Njëri nga shpendët bën gugu-gugu, më duket se edhe ai është lodhur nga gënjeshtrat që dëgjon këtu.
Tani kur po shkruaj jemi në anije, dhoma qenka e pastër. Nejse sot të gjitha falen, patjetër. Për atdheun ia vlen të digjen edhe lekët, edhe mundi për të ardhur. Është festë. Bona Pascua! Me shëndet Pashkët!
i
E-Diaspora
-
“Më të kërkuarat janë fanellat e Zvicrës dhe ato të Shqipërisë” Pas fanellës së Zvicrës, e dyta më e kërkuar është aktualisht fanella e Shqipërisë, thotë shitësi...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
Jeta në Austri
-
Lajmet më të fundit të së enjtes në Austri Rimbursimi për mjekët me zgjedhje bëhet digjital në korrik; Favoriten sheh rënie të krimit pas gjashtë...
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?