Integrimi
Ylfete Fanaj zgjidhet kryetare e Fraksionit të SP-së në Parlamentin e Kantonit të Lucernit
Fraksioni (grupi parlamentar) i Partisë Socialdemokrate (SP) në Kantonin e Lucernit ka zgjedhur Ylfete Fanajn për kryetare të tij në legjislaturën e re të këtij parlamenti. Këtë funksion ajo fillon ta ushtrojë nga 1 qershori dhe do të zëvendësojë kretaren e deritashme Priska Lorenz.
Në zgjedhjet parlamentare të 29 marsit 2015 Fanaj ka fituar për herë të dytë vendin e parlamentares në kanton, duke qenë e dyta për nga nuri i votave të fituara në partinë e saj, thuhet në një komunikatë të Parlamentit të Kantonit të Lucernit.
Ajo, mandatin e parë në Parlamentin e Kantonit e ka fituar në zgjedhjet e vitit 2011, duke u bërë femra e parë shqiptare e zgjedhur në këtë nivel në Zvicër. Por para kësaj, nga viti 2007 Ylfete Fanaj ka qenë anëtare e zgjedhur e asamblesë së qytetit të Lucernit, transmeton albinfo.ch.
Fanaj ka qenë bashkëthemeluese e organizatës Second@s Plus në nivel nacional , të cilën e ka udhëhequr nga viti 2009 deri në vitin 2012.
Krahas aktiviteteve politike, Ylfete Fanaj është punëtore sociale e kualifikuar dhe punon si përgjegjëse për integrim në kantonin Nidwalden. Ajo ka ndjekur për d vite studimet e shkencave juridike në Universitetin e Lucernit.
Ylfetja është e njohur edhe si aktiviste mjaft e angazhuar në komunitetin shqiptar të Zvicrës.
Në një intervistë që albinfo.ch ka zhvilluar me të pas rizgjedhjes në Parlamentin e Lucernit, ajo ka prezantuar synimet e saj për punën që e pret në mandatin e dytë si parlamentare.
Aktualisht në Kantone të ndryshme të Zvicrës, përveç Ylfete Fanajt, në parlamentet kantonale janë të zgjedhur edhe dy politikanë me prejardhje shqiptare. Fjala është për Etrit Hassler (SP, kantoni St. Gallen) dhe Zari Xhaferi (SP, Zug).
E-Diaspora
-
Muharrem Salihu, i gatshëm për deputet në Parlamentin Evropian Kandidati i parë shqiptar nga Italia për eurodeputet, Muharrem Salihu, vizitoi dje komunitetin shqiptar në provincat...
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
LAPSH e Cyrihut përshëndet përpjekjet për institucionalizimin e mësimit shqip në diasporë
Jeta në Austri
-
Vjenë: Droni “kap” 5 shqiptarë që po punonin në të zezë Policia financiare ka kapur pesë punëtorë të paligjshëm në një çati kantieri. Shtetasit shqiptarë ishin fshehur...
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë