Integrimi
Vullnetarët ndihmojnë migrantët në integrimin e tyre
Në projektet brenda programit "Mentoring 2014-2016" të mbështetur nga Sekretariati Shtetëror për Migracion (SEM) kanë marrë pjesë 2700 veta
Është përmbyllur me sukses programi “Mentoring 2014-2016” i cili synonte që vullnetarët zviceranë të ndihmonin azilkërkuesit për t`u orientuar në tregun e punës dhe në sistemin arsimor të këtushëm.
Në projektet brenda këtij programi të mbështetur nga Sekretariati Shtetëror për Migracion (SEM) kanë marrë pjesë 2700 veta.
Ata kanë ofruar ndihmën e tyre në veprimet si: formulimi dhe plotësimi i dokumentacionit për kërkim pune, kërkimi i punës ose kryerja e detyrave të shtëpisë, për ata azilkërkues që ndjekin shkollën.
Në këtë program, federata ka mbështetur gjithsej 39 projekte me një financim prej rreth 2 milionë frangash.
Autoritetet federale kanë nxjerrë një bilanc pozitiv nga ky program, i cili ka ndihmuar migrantët që të kenë një qasje më të lehtë në tregun zviceran të punës.
Një evaluim i jashtëm ka ardhur në përfundimin se përmes këtij programi është arritur që të ndihmohen 7 nga 10 persona për të gjetur një zgjidhje sa i përket punësimit ose shkollimit. “Mbështetja e migrantëve nga mentorët vullnetarë në integrimin e tyre në Zvicër, është një punë që ja vlen”, thuhet në një komunikatë të SEM.
Përmbajtja e projekteve veç e veç dallon shumë nga rasti në rast. Kështu, në projektet e realizuara në Zvicrën Lindore nxënësit me prejardhje të huaj gjatë kërkimit të punës janë ndihmuar nga studentët. Projekte të tjera ndërkaq u dedikohen të huajve me kualifikime të larta dhe i ndihmojnë ata që të gjejnë një vend pune që përkon me kualifikimet e tyre. Në një projekt tjetër, mentorët mbështesin prindërit në lidhje me preokupimet shkollore të fëmijëve të tyre. Një projekt u ofron migrantëve informacione të rëndësishme lidhur me regjionin.
Grupet të cilave në veçanti u është drejtuar ky program janë azilkërkuesit me qëndrim të përkohshëm (F) dhe ata me status të pranuar azili si dhe fëmijët dhe të rinjtë.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj