Kosova
Vuçiq thotë në Mitrovicë se nuk e njeh pavarësinë e Kosovës
Në mbyllje të vizitës së tij dyditore në Kosovë, presidenti serb, Aleksandër Vuçiq, ka thënë se Serbia nuk do ta njohë pavarësinë e Kosovës, por as nuk do të nxisë luftë e konflikt në Kosovë.
Ai, para qytetarëve serbë të tubuar në Mitrovicën Veriore, i ka falënderuar ata për, siç tha, “mbajtjen dhe mbrojtjen e ekzistencës serbe në Kosovë”.
“Ju them se ata që e thonë se unë duhet ta pranoj pavarësinë e Kosovës deri në fund të vitit, ju garantoj se kjo është gënjeshtër”, ka thënë Vuçiq.
Sipas tij, krejt për çka ai po angazhohet është një zgjidhje kompromisi dhe zgjidhje paqësore. “Kur ju thonë se dua ta ndryshoj kufirin, nuk po jua thonë të vërtetën”, tha Vuçiq.
Presidenti i Serbisë ka folur për dialogun dhe tha se Kosova dhe Serbia nuk janë as afër arritjes së një marrëveshjeje.
“A kemi ndonjë projekt-zgjidhje në Bruksel? Jo, ne nuk jemi as afër saj. Por për herë të parë më duket se ne e dimë mirë se duhet të flasim dhe së paku të përpiqemi që marrëdhëniet tona të funksionojnë”, ka deklaruar Vuçiqi.
Vuçiq tha se ka sjellë me vete plane konkrete për investime në dhjetë komunat e Kosovës të banuara me shumicë serbe.
Ai ditën e dytë të vizitës e ka nisur me një shëtitje në lagjen e quajtur “Lugina e Diellit”, që përfshin një projekt të Qeverisë së Serbisë për ndërtimin e 300 shtëpive për kthimin dhe strehimin e rreth 1 mijë e 500 banorëve serbë të zhvendosur, e më pas ka vënë kurora me lule te vendi ku është vrarë Oliver Ivanoviqi.
Të ngjashme
Të tjera nga Kosova
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri