Vritet me armë zjarri një person në Mitrovicë

Një person ka humbur jetën pas disa të shtënave me armë zjarri në Mitrovicë.

Sipas mediave në Kosovë, pavarësisht se viktima është dërguar në spital për të marrë trajtim mjekësor, ka ndërruar jetë, përcjell albinfo.ch.

“Sot, rreth orës 09:42 minuta, në Mitrovicë është raportuar për një person të lënduar nga arma e zjarrit. Rasti ka ndodhur në rrugën “Fatime Hetemi”, në Mitrovicë. I plagosuri, viktimë i moshës madhore, është dërguar për trajtim mjekësor. Njësitët relevante janë duke vazhduar rrjedhën e hetimeve”, ka thënë për Arbresh.info zëdhënësi i policisë për rajonin e Mitrovicës, Avni Zaiti.

Ndryshe, ish-kryetari i Komunës së Mitrovicës, Agim Bahtiri, i cili e ka dënuar ashpër këtë akt, ka thënë se në drejtim të 40-vjeçarit janë shkrepur gjashtë plumba dhe e gjithë kjo ka ndodhur pas shpinës së tij.