Vritet dëshmitari rus i Prokurorisë së Zvicrës

Para tij, edhe tre pjesëtarë tjerë në këtë procedurë janë gjetur të vdekur në rrethana të pasqaruara

Dy javë më parë është gjetur i vdekur një biznesmen rus në pronën e tij në Britaninë e Madhe. Sipas dëshmive të reja, i vdekuri ka qenë një dëshmitar i rëndësishëm në një rast që është duke e ndjekur Prokuroria Federale e Zvicrës.

Siç shkruan gazeta britanike “The Independent”, afaristi 44 vjeçar rus ka qenë i gatshëm të dëshmonte para prokurorisë zvicerane kundër funksionarëve rusë. Këta të fundit thuhet të kenë bërë pastrimin e më shumë se 160 milionë frangave, duke i shkaktuar në këtë mënyrë dëme një fondi investimesh.

Mbetet i paqartë shkaktari i vdekjes së afaristit rus. Por, para tij, edhe tre pjesëtarë tjerë në këtë procedurë janë gjetur të vdekur në rrethana të pasqaruara. Për këtë arsye Parlamenti Evropian kishte kërkuar ndërmarrje të masave nga Rusia.