Voton Kurti, fton qytetarët që të shfrytëzojnë të drejtën e tyre

Albin Kurti dha mesazhin e tij edhe në gjuhën serbe dhe atë angleze

Kryeministri në detyrë i Kosovës, Albin Kurti, votoi rreth orës 9:00 në një qendër votimi në Prishtinë.

Pas hedhjes së votës, ai iu drejtua gazetarëve duke ftuar të gjithë qytetarët, pa dallim, që të përfshihen aktivisht në vendimet për komunat e tyre, transmeton albinfo.ch.

“Votojmë për të vendosur për katër vjetët e ardhshëm në komunat tona. Përveçse qytetarë të Republikës së Kosovës, jemi edhe banorë të komunës. Ftoj të gjithë qytetarët ta shfrytëzojnë të drejtën, të bëhen hisedarë në zgjidhjen e problemeve që kanë”, tha ai.

Kurti dha mesazhin e tij edhe në gjuhën serbe dhe atë angleze.

---