Kosova
Votimi i Ushtrisë, historike për Kosovën
Liderët kanë uruar qytetarët e Kosovës për këtë ditë historike
Kryeministri i Kosovës, Ramush Haradinaj pas votimit të tri projektligjeve me të cilat FSK-ja merr kompetencat e ushtrisë, ka postuar fotografinë me babanë e tij që ka vdekur para disa muajve, Hilimi Haradinaj, duke shkruar ‘Plak, u ba Ushtria’.
Kjo është dita historike, pasi për herë të parë Kosova zyrtarisht bëhet me ushtri, shkruan albinfo.ch.
Presidenti i Kosovës, Hashim Thaçi ka uruar qytetarët e Kosovës për Ushtrinë e Re.
Në një postim në Facebook, Thaçi ka shkruar se më në fund pas dy dekadash të mundimshme, po përmbyllet procesi i shtetndërtimit.
“Si shoqëri dhe shtet e kemi dëshmuar se jemi të guximshëm, të përgjegjshëm dhe dimë të qëndrojmë të bashkuar për t’i mbrojtur interesat e popullit dhe shtetit tonë.
Krijimi i Ushtrisë së Kosovës dhe Ministrisë së Mbrojtjes është dhurata më e mirë për festat e sivjetme të fundvitit”, shkruan Thaçi në Facebook.
Kryetari i Lidhjes Demokratike të Kosovës, Isa Mustafa ka uruar qytetarët e Kosovës për themelimin e Ushtrisë së Kosovës.
Sipas Mustafës, Ushtria ishte nevojë dhe e drejtë e shtetit të Kosovës.
“Themelimi i Ushtrisë së Kosovës, ishte nevojë dhe e drejtë e shtetit, prandaj më lejoni që në emrin tim personal dhe të Lidhjes Demokratike të Kosovës të ua uroj këtë ditë kaq të rëndësishme për vendin tonë”, thuhet në telegramin e urimit të Mustafës.
Mustafa thotë se LDK-ja, në vazhdimësi ka përkrahur ngritjen dhe aftësimin e Forcës së Sigurisë së Kosovës në Ushtri, për shkak se ,siç thotë ai, kjo ishte në “interes të mbrojtjes së vendit, pra, në interes të çdo qytetari të saj”.
Kryetari i Lëvizjes Vetëvendosje, Albin Kurti në një deklaratë për media ka thënë se votimi i Ushtrisë së Kosovës është fitore e secilit njeri që ka vuajtur dhe ka sakrifikuar për shtetin.
Ai ka thënë se me këto tri ligje Kosova ka bërë dy hapa të mëdhenj përpara dhe e ka konsideruar se votimi i dy amendamenteve ishte i rëndësishëm në këtë ligj.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri