Vogt: Të huajt e lindur në Zvicër nuk duhet të dëbohen

Deputeti nacional ka thënë se me iniciativën që do të hidhet në votim nuk duhet të dëbohen ata persona me prejardhje të huaj por që janë të lindur në Zvicër, edhe pse nuk kanë pasaportë zvicerane

Më 28 shkurt zviceranët do të vendosin në referendum për një iniciativë të veçantë nga SVP-ja, e cila është planifikuar për jetësimin e një iniciative të mëparshme, që sias partisë në fjalë, nuk është jetësuar, edhe pse qe votuar nga populli.

Nisur nga kjo, iniciativa «për jetësimin e iniciativës për dëbimin e të huajve kriminelë» prej se është paralajmëruar ka ngjallur nervozë në opinion. Ajo parasheh masa drastike, edhe më të ashpra se ato të iniciativës paraprake, për dëbimin e të huajve. Është një katalohg i gjatë deliktesh që çojnë në dëbimin e kryesve të tyre në vendet prej nga kanë ardhur. Një numër deliktesh nga kjo listë janë shumë të ulëta dhe dëbimi nga vendi do të ishte i ekzagjeruar, mendojnë kritikët.

Deri tash vetëm SVP-ja ka qëndruar e pandikuar nga këto kritika dhe ka këmbëngulur në realizimin konsekuent të iniiativës.

Por, së fundi, edhe nga ajo vjen një sinjal zbutjeje. Këtë e paralajmëron deputeti nacional nga kjo parti, profesori universitar i të drejtës, Hans-Ueli Vogt. Ai, ne një intervistë për gazetën «Schweiz am Sonntag» ka thënë se nuk duhet të dëbohen ata persona me prejardhje të huaj por që janë të lindur në Zvicër, ose siç njihen ndryshe «secondot», edhe pse nuk kanë pasaportë zvicerane. Ndonëse nuk llogariten në komunitetin e qytetarëve zvieranë, ata bëjnë pjesë në komunitetin social dhe të të drejtës, të Zvicrës, ka thënë Vogt në intervistë. Pranaj, sipas tij, gjyqtarët në rastet me persona të tillë do të vinin në përfundim se askush nuk ështe i huaj nëse është i lindur në Zvicër. Me këtë, dëbimi nga Zvicra do të ishte i pakuptimtë.

Megjithatë Vogt nuk e ka quajtur të kontestueshme iniciativën si të tillë. Thelbi i saj është çështja se si duhet të qaset Zvicra ndaj njerëzve që kryejnë delikte dhe sa shumë peshon interesi publik dhe vendosja e rendit ligjor në rastet e krimeve të bëra nga të huajt, ka arsyetuar ai.