Shqiperia

Vizita e shefit të Pfizer-it, Rama: Një mik i Shqipërisë

Sot, kryeministri Edi Rama ka mirëpritur drejtorin ekzekutiv të Pfizer-it, Albert Bourla, i cili vizitoi nga afër qendrën e vaksinimit ‘Air Albania’.

Në një prononcim për mediat në ambientin e jashtëm të Arenës Kombëtare, Rama falënderoi Bourlan për mbështetjen dhe ndihmën e dhënë në një kohë tepër të vështirë të pandemisë.

Kryeministri tregon për momentin kur ai shkoi në New York personalisht dhe shtoi se falë shefit të madh të Pfizer-it, Shqipëria arriti të marrë vaksinat më parë se sa vendet e tjera në rajon.

Rama: Sot është një ditë e veçantë për procesin e vaksinimit, kemi nderin të mirëpresim shefin e madh të Pfizer-it, i cili është bërë një mik yni, i Shqipërisë, na hapi derën në momentin më të vështirë. Kur ne shkuam në Nwe York, kur s’kishim asnjë perspektivë të qartë, folëm gjatë, edhe pse nuk na premtoi aty për aty, por na e dha fjalën që do të bënte gjithçka për ta zgjidhur. Falë tij mundëm të merrnim vaksinat më parë se sa të tjerët. Dua t’ia shpreh atij atë që e kam shprehur vazhdimisht, mirënjohje pa fund për këtë ndihmë në mbrojtje të jetës së qytetarëve tanë.