Vidhet tualeti prej ari, kushtonte 1 milion funte

Dy vetura janë përdorur nga hajdutët për të kryer aktin, derisa vlera e tualetit ishte 1 milion funta

Është vjedhur vepra e artit me një vlerë 1 milion funte, e instaluar në shtëpinë ku dikur jetonte Winston Churchill.

Tualeti i instaluar 18 vjet më parë, është një vepër arti e ashtuquajtur “Amerika” dhe është vepër e artistit konceptual italian, Maurizio Cattelan.

Policia angleze ka konfirmuar se tualeti është vjedhur dhe po hetojnë mbi zbardhjen e kësaj çështje, deri më tani kanë arrestuar një 66-vjeçar, i cili dyshohet të ketë lidhje me vjedhjen, transmeton TCH.

Inspektori i kësaj çështje, Jess Milne, është shprehur: “Vepra e artit, e cila është vjedhur, është një tualet me vlerë të lartë monetare, e përbërë nga floriri, dhe ishte pjesë e ekspozitës në Pallatin e Blenheim-it”, përcjell albinfo.ch.

Policia bën të ditur një detaj tjetër, mendohet se “të paktën dy automjete” janë përdorur për të kryer aktin e vjedhjes.

---