Bota
Videoja që tronditi Austrinë
Një krizë e thellë politike ka kapluar Austrinë që nga e premta, në momentin kur mediat bënë publike një video, ku shihej njëri nga liderët e koalicionit qeverisës duke u dhënë tenderë publikë biznesmenëve rusë.
Vetëm tri ditë pasi shpërtheu skandali, protagonisti i videos, zv.kancelari dhe lideri i FPO-s, Heinz-Christian Strache, dha dorëheqje. Kancelari Sebastian Kurz e akuzoi partinë se po përpiqet të minojë reformat dhe bëri thirrje për zgjedhje të parakohshme, ndërkohë, ministrat e FPO-s u përgjigjën duke ofruar dorëheqje në masë, përcjell albinfo.ch.
Edhe pse ekspozuan videon, mediat gjermane refuzuan të tregojnë se nga vijnë pamjet e videos. Dyshimet janë se ajo mban vulën e Jan Böhmermann, një satirist gjerman dhe prezantues i njohur televiziv, i cili kishte qenë në dijeni të videos për një kohë të gjatë.
Videoja është liruar të premten nga mediumet gjermane “Süddeutsche Zeitung” (SZ) dhe “Spiegel” dhe flitet për një ngjarje që është zhvilluar në Ibiza të Spanjës, në verën e vitit 2017.
Në të shihet Strache dhe zyrtarë të tjerë të FPO-s, duke biseduar me një grua që besohet të jetë një trashëgimtare oligarke ruse.
Ajo tregon se planifikon të investojë 250 milionë euro në Austri, ndërsa ata diskutojnë se si kjo mund t’i ndihmojë partisë së tyre të ekstremit të djathtë.
Reagimi i Strache-s
Në fjalimin e tij të dorëheqjes që e mbajti të shtunën në mëngjes, Strache e quajti videon “fushatë të ndyrë” kundër tij, duke pretenduar se ajo ishte pjesë e një “atentati politik të shënjestruar”.
Videoja u filmua disa muaj përpara zgjedhjeve parlamentare që sollën FPÖ-në në pushtet.
Ndonëse e xhiruar në tetor të 2017-tës, ajo u bë publike vetëm një javë përpara zgjedhjeve të Bashkimit Europian, ku partitë e ekstremit të djathtë pritet të dalin mirë.
Strache gjithashtu hodhi poshtë çdo sugjerim se ai kishte kryer krime dhe fajësoi alkoolin për sjelljen e tij atë natë.
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte