Bota
Video-skandali që shkaktoi kaos të madh në Austri
Strache ishte filmuar teksa propozonte të ofronte kontrata qeveritare për mbesën e një oligarku rus
Të gjithë ministrat që ishin emëruar nga Partia e Lirisë e ekstremit të djathtë në Austri kanë dhënë dorëheqjen, duke e futur qeverinë në një kaos të paparashikuar.
E gjithë kjo vjen pasi udhëheqësi i kësaj partie, Heinz-Christian Strache, i cili mbante postin e zv.kancelarit, u detyrua të dorëhiqej gjatë fundjavës, si pasojë e publikimit të një videoskandali. Strache ishte filmuar teksa propozonte të ofronte kontrata qeveritare për mbesën e një oligarku rus.
Mëngjesin e së hënës ai kishte kërcënuar se, nëse pas tij do të detyrohej të jepte dorëheqjen edhe ministri i Brendshëm Herbert Kickl, Partia e Lirisë do të tërhiqej nga koalicioni qeverisës, transmeton “TCH”.
Kancelari Sebastian Kurz ishte ai që bëri thirrje gjatë fundjavës për shkarkimin e Kickl, duke thënë se ai duhej të mbante përgjegjësi për skandalin pasi ishte Sekretar i Përgjithshëm i partisë, përcjell albinfo.ch.
Skandali i korrupsionit doli në dritë të premten, kur pamje të regjistruara në vitin 2017 u publikuan në mediat gjermane, që tregonin sesi Strache dhe një zyrtar tjetër i Partisë së Lirisë iu ofronin kontrata qeveritare asaj që dyshohet të jetë mbesa e një oligarku rus.
Strache dha menjëherë dorëheqjen ditën pasardhëse, ndërsa Kancelari Kurz, që udhëheq Partinë Popullore të qendrës së djathtë, tha se vendi duhej të zhvillonte zgjedhje të reja të parakohshme parlamentare. Mes ministrave të dorëhequr janë ai i Jashtëm, ai i Mbrojtjes, ai i Transportit, si dhe ai i Çështjeve Sociale. Partia e Lirisë kishte zënë gati gjysmën e kabinetit qeveritar pas zgjedhjeve të fundit në Austri.
Videoskandali vjen në një moment tejet kritik për partinë në fjalë, pasi votuesit anembanë Bashkimit Evropian do të votojnë në datat 23-26 maj për zgjedhjet e Parlamentit Evropian, ku parashikohet që të forcohen pozitat e ekstremistëve të djathtë dhe eurodeputetëve të tjerë euroskeptikë.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?