Veturat autonome mund t’i raportojnë në polici shoferët e dehur

Shoferët e dehur në të ardhmen mund të raportohen në polici nga veturat e tyre, pasi gjiganti “Huawei” ka patentuar një sistem që lejon veturat autonome të detektojnë nëse shoferi është i dehur.

Një dokument i paraqitur në Zyrën Evropiane të Patentave ka shpjeguar se një veturë ka paraqitur një teknologji, e cila do të monitorojë gjendjen e shoferit dhe të vendosë nëse atij i lejohet pilotimi manual apo jo, transmeton koha.net, përcjell albinfo.ch.

Nëse vetura detekton se shoferi i saj është i dehur, ajo mund ta përdorë ‘librarinë e saj’ për të marrë një vendim në lidhje me veprimin që duhet të marrë, ku përfshihet deaktivizimi i kontrolleve të veturës dhe kontaktimi me policinë, nëse ajo është e nevojshme.

Kjo teknologji jo vetëm që detekton alkoolin, por edhe përdorimin e telefonit, drogës, madje edhe posedimin e armëve.