Veseli kërkon Komision hetimor për listat e veteranëve

Foto ilustrim

Kryetari i Kuvendit të Kosovës, Kadri Veseli, ka dorëzuar sot kërkesën për krijimin e Komisionit hetimor, i cili pritet “ta hetojë çështjen e listave të fryra të veteranëve dhe që ato të pastrohen”, përcjell albinfo.ch.

Lajmin e ka bërë të ditur vetë Veseli, përmes një shkrimi në Facebook, teksa ka thënë se lufta e UÇK-së është shumë e madhe për të abuzuar me të.

“Ushtarët e UÇK-së nuk kanë luftuar që të përfitojnë për vete, por që të fitojë Kosova, që qytetarët e saj ta fitojnë lirinë dhe perspektivën. Mashtruesit që kanë fryrë listat e veteranëve janë duke e lënduar emrin e UÇK-së dhe janë duke abuzuar me paratë e qytetarëve tanë. Kjo do të marrë fund. Siç kam premtuar, ne do ta bëjmë një luftë të pakompromis kundër korrupsionit, nepotizmit dhe abuzimit të pushtetit”, ka shkruar Veseli.

Sipas Veselit, askush nuk do të jetë mbi ligjin.

https://www.facebook.com/kadriveseliofficial/posts/1303382059836997