Lajme

Gjykata austriake: Ndalesa e shamisë në shkolla fillore është jokushtetuese

Gjykata Kushtetuese e Austrisë hodhi poshtë një ligj, të miratuar vitin e kaluar, që ndalonte shaminë në shkollat fillore. Gjykata tha se masa ishte jokushtetuese dhe diskriminuese.

Rregullorja veçonte një fe, dhe në këtë rast vetëm fenë islame. Gjykata ka konstatuar se kjo është një ndalesë selektive dhe për më shumë diskriminuese, përcjell Albinfo Austria.

Gjyqtarët më të lartë shkuan edh më tej: ndalimi humbi qëllimin e tij “dhe provohet të jetë i parëndësishëm”. Shkel parimin e barazisë, ashtu edhe të drejtën për liri fetare.

Kjo masë u miratua në maj të vitit 2019 nga koalicioni i atëhershëm mes Partisë Popullore të Austrisë (ÖVP) dhe Partisë së Lirisë së ekstremit të djathtë (FPÖ), vetëm disa ditë para se qeveria të rrëzohej për shkak të një skandali të korrupsionit.

Që nga ajo kohë ishte e ndaluar që nxënësit e shkollës fillore të veshin rroba ideologjike ose fetare, duke përfshirë edhe mbulimin e kokës”, transmeton Albinfo Austria.

Prindërit kishin bërë ankesë

Komuniteti i Besimit Islam në Austri (IGGÖ) kishin bërë një kundër ndalimit të shamisë në shkollat ​​fillore. Ajo u shkaktua nga dy raste në Vjenë, në të cilat vajzat me hixhab kishin shkuar në klasë. Sidoqoftë, pas diskutimeve me drejtorinë e shkollës, prindërit u dorëzuan.

Dy familjet myslimane të prekura e shohin këtë dispozitë si një ndërhyrje joproporcionale në të drejtën për lirinë fetare dhe të drejtën për rritjen fetare të fëmijëve. Përveç kësaj, ndalimi ka për qëllim vetëm shaminë – veshje të tjera fetare si kippah (Hebreje) ose patka (e sikëve) nuk mbulohen nga ky ndalim.

Avokati Georg Rihs përfaqësoi familjet: “Unë e konsideroj faktin që ndalimi është hequr me efekt të menjëhershëm, nuk ka asnjë periudhë rishikimi për qeverinë. Kjo do të thotë se ishte qartësisht antikushtetuese. Që gjyqtarët të shqyrtuan tri seanca tregon se është një sukses i veçantë, por që ata diskutuan në mënyrë të diskutueshme. Ishte një vendim jo i lehtë, por i drejtë”.