Ukraina

Vazhdohet marrëveshja për grurin

Ukraina dhe Rusia janë pajtuar për të vazhduar marrëveshjen për transporin e grurit nga territori ukrainas drejt shteteve të Afrikës, Lindjes së Mesme dhe Azisë, njoftojnë Kombet e Bashkuara, edhe pse nuk është bërë e ditur se për sa kohë është vazhduar marrëveshje, shkruan Radio Evropa e Lirë, përcjell albinfo.ch.

Zëvendëskryeministri ukrainas, Oleksandr Kubrakov, thotë se marrëveshja është shtyrë për 120 ditë, pas kërkesave të Ukrainës, Turqisë dhe Kombeve të Bashkuara. Rusia nuk ka reaguar ende, ndonëse më herët ka kërkuar një vazhdim të marrëveshjes vetëm për 60 ditë, raporton Radio Evropa e Lirë, përcjell albinfo.ch.

Në korrik të 2022-ës palët u pajtuan për vazhdimin e kësaj marrëveshjeje dhe kjo është hera e dytë që dakordohen, meqë janë eksportuese globale të grurit dhe nënprodukteve të tij, e shumë shtete varen prej tyre, shkruan Radio Evropa e Lirë, përcjell albinfo.ch.