Vajza e Blocherit shet aksionet e BaZ

Ato pritet t`i blejë sërish ish pronari i BaZ, Tito Tettamanti

Rahel Blocher, që është vajza e dytë e ideologut të SVP-UDC-së, Christoph Blocher do t`i shesë aksionet që ka pasur në gazetën “Basler Zeitung” (BaZ). Ato pritet t`i blejë sërish ish pronari i BaZ, Tito Tettamanti, duke u bërë kështu aksionar kryesor.

President i ri i BaZ do të bëhet deputeti i FDP-së dhe ish moderatori televiziv, Filippo Leutenegger.

Kryeredaktor mbetet Markus Somm, i cili qe kontestuar nga stafi i gazetës, kur, para një viti qe emëruar në këtë post.

Holdingu medial posedon kapital prej 40 milionë frangash në aksione. Prej tyre Tettamanti merr 18.8% por duke mbajtur 53.6% të të drejtës së votës. Aksionarët tjerë marrin maksimalisht deri nga 12.5%.

Më 12 dhjetor, ish pronari i shumicës së aksioneve, Moritz Sutter (që i kishte blerë nga tettamanti) ia kishte shitur ato të bijës së Blocher-it.