Ura më e gjatë për këmbësorë në botë është në Valais

Ura, e gjatë 494 metra dhe 65 centimetra gjerësi, i ka thyer të gjitha rekordet botërore dhe sjell një emocion të papërshkrueshëm mbi humnerë

Struktura, e ndërtuar në dy muaj e gjysmë, është e hapur për publikun nga e shtuna prej orës 11 :00. Ajo është pjesë e rrugës evropiane për ecje në Alpet e Evropës.

Ura, e gjatë 494 metra dhe 65 centimetra gjerësi, i ka thyer të gjitha rekordet botërore dhe sjell një emocion të papërshkrueshëm mbi humnerë, thotë Zermatt Turizm. Kalimi i kësaj ure në pikën e saj më të lartë arrin në 85 metra.

https://www.youtube.com/watch?v=0yLTPmimguw

Kjo urë është bërë për të gjithë ata që e pëlqejnë ecjen, por që nuk kanë frikë nga lartësia. Megjithatë, mos u përpiqni të kaloni këtë urë gjatë stuhive, sepse ka rreziqe që lidhen me rrufetë, paralajmëron Zermatt Turizm.

Ura është në rrugën evropiane për hiking (Europaweg) dhe çon nga Grächen në Zermatt (VS). Ajo mund të “arrihet për dy orë e gjysmë nga Randa dhe megjithatë duhet të llogarisni mes gjashtë dhe shtatë orë ecjeje nga Zermatt ose Grächen”. E gjithë rruga mund të bëhet në dy faza, gjashtë deri në shtatë orë, me mundësi ndalimi në strehimore.