Universiteti i Cyrihut dhe Schwarzeneggeri i bashkojnë forcat për klimën

I quajtur “Iniciativa e ekonomisë së gjelbër dhe financave”, ky projekt dëshiron të kontribuojë në transformimin e tregjeve botërore në përputhje me marrëveshjen e Parisit mbi klimën, kanë theksuar të hënën nga Universiteti i Cyrihut (UZH), njofton Albinfo.ch.

Ai dëshiron të shfrytëzojë më së shumti pasuritë e faktorëve të ndryshëm të përfshirë në financa, teknologji të gjelbër dhe shkencë.

Iniciativa e UZH do të zhvillohet së bashku me Institutin Schwarzenegger USC, bashkëngjitur me Universitetin e Kalifornisë Jugore dhe Organizatës joqeveritare R20, të themeluar nga Arnold Schwarzenegger.

“Të tre organizatat do të punojnë së bashku për të ndihmuar në përshpejtimin e kalimit në energjinë e rinovueshme dhe për ta bërë botën më të sigurt dhe më të shëndetshme”, ka pohuar ish guvernatori i Kalifornisë, Arnold Schwarzenegger.

Në terma konkretë, UZH u sjell partnerëve të saj ekspertizën e saj në fushat ekonomike, bankare dhe juridike, si dhe rrjetin e saj të gjerë në sektorin financiar, informon Albinfo.ch.

Ai do të sigurojë analiza dhe të dhëna për të llogaritur rreziqet dhe ndikimet që lidhen me portofolet klimatike.