Ulje tatimesh për prindërit

Duke filluar nga viti 2013 prindërit në kantonin e Cyrihut do të kenë një zbritje të tatimeve në krahasim me shumën që i paguajnë sot shtetit. Kështu, sipas një vendimi që ka marrë sot Parlamenti i Kantonit të Cyrihut,prindërit në të ardhmen do të kenë mundësi që për një fëmijë të lirojnë nga detyrimi i tatimit 9000 franga në vit.

Deri më tash ka qenë maksimalisht 7400 franga të liruara nga tatimet.

Ndërsa prindërit, për fëmijët e të cilëve kujdesen të tjerët, do të kenë mundësi të tërheqin nga tatimet 10.100 franga. Sa për krahasim, sot kjo shifër është vetëm 6500 franga. Me këto ubritje tatimesh, kantoni dhe komunat do të detyrohen të heqin dorë nga më shumë se 60 milionë franga, të ardhura tatimore.