Uji i Lozanës, më i ndoturi në Zvicër

Uji që pimë është i ndotur nga një shumëllojshmëri e prodhimeve kimike. Kjo ndotje shkakton edhe keqformacione të disa specieve të kafshëve të caktuara. Kjo gjë mund të ndodhë edhe te njerëzit, pas një kohe. Në nivel kombëtar, uji i Lozanës përmban mikrondotës.

Droga, pesticide apo substanca kundër ndryshkut, janë gjurmët e prodhimeve kimike që ne i përdorim çdo ditë, të cilat janë gjetur edhe në ujë.

Për këtë zbulim tregon një analizë e kohëve të fundit e ujit të pijshëm në 50 qytete zvicerane, të kryera nga emisioni gjermanofolës (SF) “Kassensturz”. Rezultatet janë alarmante.

Në Cyrih, Lucern, Bernë dhe Basel hulumtuesit kanë gjetur gjurmë të atrazinës, një herbicid i ndaluar në Zvicër. Kjo mund të shkaktojë deformime të peshkut. Pilula kontraceptive ka efekte të ngjashme.

Numri i prodhimeve kimike të zbuluara në ujin e pijshëm

Lausanne: 14

Renens: 13

Liestal: 9

Zurich: 8

Delémont: 7

Frauenfeld: 7

Aarau: 5

Mendriso: 4

Lucerne: 3

Bâle: 3

Berne: 2

Neuchâtel: 2

Genève: 1

Locarno: 0

Bellinzone: 0

Saint-Imier:0

Appenzell: 0

Saint-Gall: 0

Projekti për 1.2 miliardë franga

Në 20 vjetët e ardhshëm Këshilli federal ka në plan për të përmirësuar 100 prej 700 qendrave të trajtimit të ujërave të zeza në vend për një shumë prej 1.2 miliard dollarësh. “Qëllimi është sigurisht për të gjetur në ujërat tona gjurmët kimike sado të vogla që të jenë ato”, thotë Stefan Müller, kreu i ndarjes së ujërave nga Zyra Federale për Mjedisin.

Në pranverë Këshilli Federal synon të miratojë një mesazh për këtë qëllim nga ana e Parlamentit.