Lajme
Udhëheqja e LAPSH pritet nga Ambasadori i Kosovës në Bernë
Vizitë e përfaqësuesve të Lidhjes së Arsimtarëve dhe Prindërve Shqiptarë «Naim Frashëri» Zvicër në Ambasadën e Republikës së Kosovës në Bernë
Sot, më 9 nëntor ’20, në ambasadën e Republikës së Kosovës në Bernë, nga ambasadori i sapoemëruar z. Sami Ukelli, u prit një ekip i kryesisë së LAPSH «N. Frashëri» Zvicër, në krye me Nexhat Malokun, kryetar, bëhet e ditur në një njoftim për media të dërguar nga LAPSH.
Ambasadori, z. Sami Ukelli, u uroi mirëseardhje përfaqësuesve të LAPSH-së, të cilëve u shprehu mirënjohjen për punën e deritanishme 30-vjeçare dhe theksoi se ambasada e Republikës së Kosovës do të jetë gjithnjë në mbështetje të Shkollës shqipe të mësimit plotësues në Zvicër.
Ekipi i kryesisë së LAPSH-së, i cili përpos kryetarit Nexhat Maloku, përfaqësohej edhe nga mësuesja Saime Isufi, kryetare e Këshillit Kantonal të Bernës, mësuesi Naser Ulaj, kryetar i Këshillit Kantonal të Cyrihut dhe nga Gafur Asani, kryetar i Këshillit Kantonal të Glarusit, e informoi ambasadorin z. Ukelli për punën që po bën LAPSH në fushën e organizimit dhe të udhëheqjes së mësimit plotësues në Gjuhën shqipe në 16 kantonet ku aktualisht mbahet ky mësim.
Në këtë takim u diskutuan edhe pika të ndryshme të cilat kishin të bëjnë me mbarëvajtjen sa më të mirë të mësimit në Gjuhën shqipe si dhe u shtjelluan mendime e ide për sensibilizimin e prindërve shqiptarë për t’i dërguar fëmijët e tyre në mësimin plotësues në Gjuhën shqipe, ngase aty fëmijët dhe të rinjtë e të rejat jo vetëm që i zgjerojnë njohuritë e tyre nga gjuha, historia, gjeografia e kultura shqiptare, por edhe edukohen në frymën e shëndoshë të identitetit kombëtar dhe të atij evropian.
Takimi u përmbyll me zotimin për vazhdimin e bashkëpunimit mes ambasadës dhe LAPSH-së, ngase çështja e arsimimit dhe edukimit të brezit të ri që po rritet në Zvicër është i një rëndësie të veçantë për tërë komunitetin shqiptar në Zvicër, përfundon njoftimi i LAPSH “Naim Frashëri”.
Të ngjashme
Të tjera nga Lajme
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Austri
-
A mund të marr nënshtetësinë austriake dhe të lëviz menjëherë jashtë vendit? Shtetësia austriake vjen me përfitime, duke përfshirë lirinë e lëvizjes në Bashkimin Evropian. Por disa banorë...
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?