Turqia kualifikohet në Botëror pas 24 vitesh, Kosova humb shansin historik

Keystone EPA/GEORGI LICOVSKI

Në finalen e “play-off”-it për Botërorin, e zhvilluar në stadiumin “Fadil Vokrri”, Turqia ka siguruar kualifikimin pas 24 vitesh, duke mposhtur Kosovën dhe duke i dhënë fund ëndrrës historike të vendasve.

Pas një pjese të parë pa gola, ku të dyja ekipet krijuan raste dhe treguan lojë të fortë, momenti vendimtar erdhi në pjesën e dytë. Në minutën e 52-të, Turqia shënoi golin e vetëm të takimit, duke kaluar në epërsi dhe duke e ruajtur atë deri në fund.

Kosova luftoi deri në minutat e fundit për të rikthyer baraspeshën, por nuk arriti të konkretizojë rastet e krijuara. Pavarësisht paraqitjes me karakter dhe përkushtim, ekipi kosovar mbetet jashtë Botërorit, duke humbur një mundësi historike për kualifikim, shkruan albinfo.ch.

Nga ana tjetër, Turqia feston një arritje të madhe, duke u rikthyer në skenën më të madhe të futbollit botëror pas më shumë se dy dekadash.