Tuneli Gotthard mund të hapet deri në fund të javës

(KEYSTONE/Urs Flueeler)

Tuneli rrugor Gotthard është mbyllur në të dy drejtimet që prej pasdites së djeshme dhe deri tani ka qenë e paqartë se sa do të zgjaste mbyllja.

Këshilltari federal dhe ministri i Transportit, Albert Rösti, sot njoftoi se tuneli do të hapej sërish më së voni deri në fund të javës, shkruan Blick, përcjell albinfo.ch.

Tuneli rrugor Gotthard, 17 kilometra i gjatë, është “mbyllur përkohësisht”, për shkak se disa copa betoni u shkëputën nga tavani i tunelit dhe ranë në rrugë. Deri më tani, Zyra Federale e Rrugëve, Astra, nuk ka qenë në gjendje të thotë se sa do të zgjasë mbyllja.

Rösti tha se Astra po punon shumë për ta bërë të mundur hapjen deri në fundjavë.