‘Torrid’ prezanton koleksionin për gra me mbi peshë

Shtëpia e modës Torrid e specializuar për rroba për njerëz me mbi peshë ka debutuar në Javën e Modës në Nju Jork, duke prezantuar 40 modele.

“Mbi 60 për qind e grave në SHBA konsiderohen se janë me mbipeshë”, tha kreatorja e shtëpisë së modës, Elisabeth Muzon për Reuters, përcjell albinfo.ch.

Koleksioni për pranverë 2018 kishte modele të veshura në fustane boho të kombinuara me xhaketa nga lëkura. “Industria e modës mund të sjellë koleksione nga më të ndryshme e madje munden as mos ta pranojnë këtë fakt, por nuk mund ta injoroni sepse kemi popullatë të tërë me mbipeshë”, shtoi ajo.

Torrid, që shet rroba, këpucë dhe aksesorë për gratë me numër nga 42 e më shumë, po ashtu shfrytëzoi këtë spektakël për të prezantuar 10 gra të përzgjedhura nga kërkimi vjetor i modeleve, e që njërës prej tyre do t’i ofronte mundësinë që të bëhet fytyra mbrojtëse e brendit.