Thaçi: Kosova e gatshme të heq taksën me një kusht

Presidenti, Hashim Thaçi, ka thënë se Kosova është e gatshme ta heq taksën nëse ka marrëveshje paqësore me Serbinë. 

“Kosova është gati të shqyrtojë heqjen e taksës për produktet serbe nëse Kosovës i jepet një rrugë e qartë drejt arritjes së një marrëveshjeje finale paqësore me Serbinë”, ka thënë Thaçi për gazetën  “The Washington Post”, përcjell Albinfo.ch.

Ai ka kërkuar që SHBA-ja të marrë rol udhëheqës në koordinimin e inputit ndërkombëtar për Marrëveshjen Paqësore finale “që do të sjellë njohjen e Kosovës nga Serbia”. 

“Ndërgjegjja jonë na kërkon – dhe është detyrë e jona historike – që të bëjmë paqen të mundshme dhe të vërtetë”, ka thënë Thaçi.