Tërmeti 4.2 shkallësh në Valis shqetëson qytetarët

Policia ka marrë shumë telefonata nga qytetarë të shqetësuar, para së gjithash nga vendi turistik Leukerbad. Por autoritetet vendore thonë se deeri më tash nuk ka të dhëna për dëme të pësuara

Foto ilustrim

Pak më parë, saktësisht në orën 16.44 rreth 6 kilometra në verilindje të Siders/Sierre të kantonit Valis të Zvicrës është regjistruar një dridhje e fuqishme e tokës. Sipas Shërbimit Sizmologjik të Universitetit ETH të Cyrihut, ky tërmet ka qenë i fuqisë 4.2 shkallë të Richterit dhe ka zgjatur disa sekonda, bën të ditur srf.ch

Mesatarja statistikore tregon se Valisi goditet çdo 50 deri në 100 vjet nga një tërmet i shkallës rreth 6 të Richterit, transmeton albinfo.ch. Tërmeti i fundit i madh e ka goditur këtë regjion në vitin 1946 dhe me atë rast kishin humbur jetën tre persona.

Ndërsa nga tërmeti më i ri, mund të priten dëme të vogla materiale.

Zona më e rrezikuar nga tërmetet në Zvicër është Valisi. Pas tij vijnë Bazeli, Graubündeni, Rheintali i St. Gallenit dhe Zvicra Qendrore.

Policia ka marrë shumë telefonata nga qytetarë të shqetësuar, para së gjithash nga vendi turistik Leukerbad. Por autoritetet vendore thonë se deeri më tash nuk ka të dhëna për dëme të pësuara.