Të rinjtë e SVP-UDC-së deponojnë iniciativën për natyralizim

Përkundër nënshkrimeve të pavlefshme të mëhershme, kësaj radhe iniciativa e tyre është vërtetuar

Iniciativa kantonale e të rinjve të SVP-UDC-së në Bernë për natyralizimin ka mundur t’iu nënshtrohet organeve kompetente dhe madje përkundër vështirësive që organizatorët kanë hasur më herët për arsye të një numri të madh të nënshkrimeve që nuk kanë qenë të vlefshme.

Iniciativa në fjalë konsiderohet të jetë e vlefshme pas kërkimeve për falsifikim nënshkrimesh që janë kryer nga policia kantonale si dhe nga Ministria Publike e rajonit Bernë – Mitteland.

Organet në fjalë i kanë gjetur fajtorët e dyshuar, por kanë thënë se akti i tyre nuk ka qenë i motivuar politikisht.

Pra, kësaj here iniciativa ka mundur të paraqitet me 16. 004 nënshkrime të vlefshme, duke tejkaluar kështu minimumin e kërkuar prej 15. 000 nënshkrimeve.

Iniciativa në fjalë kërkon që të huajt kriminelë apo ata që përfitojnë nga ndihmat sociale të mos mund të kërkojnë të natyralizohen. Veç kësaj, iniciativa në fjalë kërkon po ashtu që kandidatët për natyralizim të posedojnë një diplomë të gjuhës si dhe ta njohin historinë dhe institucionet e Zvicrës.