Taksë rrugore për automjetet e huaja

Ministri gjerman i Transportit, Aleksandër Dobrint, thotë se kanë në plan për të aplikuar një taksë rrugore për automjetet e huaja që kalojnë nëpër Gjermani.

Gjermania tashmë aplikon taksa rrugore për kamionët, por ndryshe nga shumë vende evropiane, automjetet e vogla shfrytëzojnë falas autostradat gjermane.

Dobrint tha se miliona automjete të huaja kalojnë nëpër Gjermani dhe kështu nuk kontribuojnë në mirëmbajtjen e rrugëve gjermane.

Plani gjerman për të aplikuar taksa rrugore do të hyjë në fuqi në vitin 2016.

Shoferët e huaj do të mund ta paguajnë rrugën gjermane nëpërmjet  internetit apo në pompa të benzinës.

Vinjeta e autostradës do të kushtojë 10 eurove për 10 ditë, ose rreth 100 euro për një vit.

Banorët në Bavari ishin ankuar prej kohësh se duhet të paguajnë për përdorimin e rrugëve në Austri dhe Zvicër, kurse ata nuk paguajnë asgjë kur vijnë në Gjermani.