Taksa deri në njohjen e Pavarësisë së Kosovës

Haradinaj, tha se Serbia dhe Bosnja i kanë bërë dëm shumë Kosovës dhe për këtë kanë marrë vendim për mallrat e këtyre dy vendeve

Kryeministri i Kosovës, Ramush Haradinaj, është shprehur se do të respektohet vendimi i qeverisë, por ai mund të anulohet nëse Serbia të vendos të njoh Pavarësinë e Kosovës.

“Ne jemi të gatshëm të nënshkruajmë marrëveshje me Serbinë, ku do të përfshihet edhe Marrëveshja me Treti të Lirë me Serbinë”, tha ai në një konferencë për media, pas takimit me Komisioneri për Politika Evropiane të Fqinjësisë dhe Negociata të Zgjerimit, Johaness Hahn, transmeton RTKlive.

Sipas tij nuk ka krizë për barna, dhe nëse ka diçka Kosova të tillë është e gatshme për të dhënë ndihëm në këtë drejtim, përcjell albinfo.ch.

“Nëse Qeveria e Kosovës ka informata se ka ndonjë krizë të ndonjë produkt vital, ne jemi në gjendje t’i furnizojmë. Spitalet apo ambulancat, nuk do të ju mungojnë ilaçet, për të gjithë. Do të respektojmë vendimin e Qeverisë, dhe ky vendim mund të anulohet me rastin e njohjes së Pavarësisë së Kosovës nga Serbia. Ne do punojnë që tani për një marrëveshje gjithëpërfshirëse, për borxhet, të zhdukurit, të drejtat e komunitetit serb në Kosovë e plotë tema tjera e një nga to do të jetë edhe tregtia e lirë mes Kosovës dhe Serbisë”, tha ai.

“Këshilli ka mbledhje në çdo tre muaj. Nga BE-ja është një skepticizëm, ata japin shumë arsyetime, prej atyre që kjo është e logjikshme, se thonë se me Ukrainë e Gjeorgjinë ka zgjedhur një vit e gjysmë periudha kohore mes Komisionit dhe vendimit. Nuk përjashtohet që në një të ardhme të afërt, sepse Këshilli mblidhet çdo tre muaj, mirëpo nuk na japin një garanci se do të ndodh kësaj here”, deklaroi Haradinaj.

Kryeministri Haradinaj, tha se Serbia dhe Bosnja i kanë bërë dëm shumë Kosovës dhe për këtë kanë marrë vendim për mallrat e këtyre dy vendeve.

Kurse për deputetët e Listës Serbe, që janë ngujuar në Kuvendin e Kosovës, Haradinaj, ka ftuar ata që të shkojnë dhe të bisedojnë.

---