Lajme
Swiss Albania Event organizon festë të përbashkët dedikuar artit
Pavarësisht pandemisë, shoqata “Swiss Albania Event” nuk ka rreshtur së organizuari aktivitete të njëpasnjëshme, të cilat kanë përçuar emocion pozitiv te shumë njerëz, me theks të veçantë te fëmijët, shkruan albinfo.ch.
Edhe pse disa muaj e gjithë Zvicra ishte e mbyllur nga shkaku i pandemisë, shoqata “Swiss Albania Event” vazhdimisht ka organizuar aktiviete online, aktivitete këto që bënin zhvendosjen e vëmendjes nga pandemia te gjërat pozitive dhe më produktive për diasporën shqiptare dhe më gjerë.
Së fundmi, drejtoresha e kësaj shoqete, Aina Hoti, ka bërë të ditur për albinfo.ch se do të organizojë një festë të përbashkët me 3 tetor 2020, duke filluar nga ora 16:00 në ambientet e Coworking Fenix Consulting, Lozanë, festë kjo dedikuar artit.
Në të gjitha iniciativat dhe aktivitetet e kësaj shoqate (SEA) që ka bërë që nga koha e pandemisë e deri më tani, me një koktej të organizuar, fëmijët e vegjël do të kenë mundësi të argëtohen duke shijuar përralla nga Rina Cela Grasset, që ka përkthyer librin nga përrallat shqip në frengjisht, pastaj lexim historie për të vegjlit dhe moshat e rritura, dedikimet e librave, ‘Përrallat e Shqipërisë’ dhe ‘Bukë kripe e zemër’, ‘Proverbat e Tokës së Shqiponjës’ etj.
Po ashtu, duhet theksuar se në këtë event janë të ftuar edhe moshat madhore, ku përveç argëtimit, do të bisedohet edhe për planet dhe aktivitetet e ardhshme që shoqata Swiss Albania Event do të organizojë në plan-programin e drejtoreshës Aina Hoti. /Albinfo.ch
Më poshtë njoftimi i plotë nga Swiss Albania Event:
ARTISTË , MIQ E DASHAMIRËS TË ARTIT:
– Do të kenë mundësi të flasin nga afër me përkthyesen e librave për fëmijë (kryesisht përralla), Rina Çela si e ftuar speciale e asaj dite.
– Do të prezantohen me punimet me të bukura artistike që u grumbulluan për expo on line “Tradita në Diasporë” të përmbledhura në një video të realizuar nga profesionistë të fushës.
– Do të shpërndahen vlerësimet e fëmijëve që dolën fitues të garës së pikturës në ekspozitën on line të Qershorit 2020.
Aktiviteti do të përmbyllet me një kokteil për të pranishmit, fëmijë e të rritur.
Orët e dedikuar artit janë ushqim i shpirtit, i fantazisë dhe dhurata më e bukur që secili nga ne i bëjmë vetvetes.
Faleminderit dhe njëherë Ambasadën e Shqipërisë në Bernë për mbështetjen dhe bashkëpunimin të promovojmë sa më bukur kulturën tonë.
Ju lutemi konfirmoni pjesëmarrjen tuaj:
078 64 15 058
Info rreth ngjarjes
- Data e fillimit24 Shtator 2020
- Ora10:00
- Data e përfundimit24 Shtator 2020 - 10:00
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës në këtë shtet Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa