Sulmohet porti ukrainas nga ku transportohet gruri, çfarë do të ndodhë me grurin?

Keystone EPA/MAXIM SHIPENKOV

Ukraina po përgatitet për të rifilluar eksportet e grurit nga portet e saj të Detit të Zi, pavarësisht sulmi raketor rus që goditi portin e Odesës këtë të shtunë.

Kështu deklaroi ministri ukrainas i Infrastruktuës, Oleksandr Kubrakov, shkruan Reuters.

“Ne po vazhdojmë përgatitjet teknike për nisjen e eksporteve të produkteve bujqësore nga portet tona”, u shpreh ai.

Vetëm një ditë pasi Ukraina dhe Rusia nënshkruan marrëveshjen për të lejuar eksportin e grurit, shpërthime janë dëgjuar në portin kyç të Odesës.

Ushtria ukrainase bëri me dije se 2 raketa goditën portin në orët e para të mëngjesit.

Sipas kushteve të marrëveshjes të nënshkruar në Stamboll, Rusia ra dakord të mos godiste portet ndërsa dërgesat e grurit janë në tranzit.

Pavarësisht akuzave nga Kievi, Moska nuk ka konfirmuar nëse ka sulmuar apo jo infrastrukturën në qytetin jugor të Ukrainës.