Stuhia që ka pushtuar Evropën, s’do të prekë Shqipërinë

Stuhia Eleonora nuk do ta prekë Shqipërinë.

Edhe pse në Evropë ka shkaktuar probleme të shumta, madje duke shënuar edhe tri vdekje, Shqipëria vazhdon të ketë mot të butë.

“Mesdheu dhe kryesisht Gadishulli i Ballkanit, janë shumë larg ndikimit të stuhive që përfshin brigjet oqeanike”, ka thënë meteorologjia Tanja Porja për “Top-Channel”.

Në zonat veriore dhe verilindore ka rënë nga 5 deri në 10 cm dëborë, për rrjedhojë trashësia ka arritur në mbi 80 cm, ndërsa lindja dhe juglindja kanë marrë sasi dëbore nga 2-3 cm dhe mbrëmë trashësia ka shkuar në 30 cm.

Në ditët në vazhdim moti do të jetë më i kthjellët, ndërsa nga 9-10 janari pritet rritje e temperaturave.