Studim: „Martesat dhe migracioni“, kërkohen protagonistë/e nga Kosova

Për studimin “Martesat dhe migracioni” të Universitetit në Neuchatel, Zvicër, kërkojmë pjesëmarrës/e për një intervistë. Në intervistat përfshihen meshkuj dhe femra në Kosovë që janë të fejuar apo në një lidhje serioze me një person që jeton dhe është rritur në diasporë (Evropë apo Zvicër).

Qëllimi i intervistave është që t’i njohim më mirë mendimet, pikëpamjet dhe situatën e përgjithshme të këtyre personave, ashtu si edhe shpresat dhe dyshimet e tyre për një jetë në ‘mërgim’.

Intervistat do t‘i ndjekë Shpresa Jashari, duke shkuar në qytetin apo fshatin ku jetoni ju. Intervistat nuk zgjasin gjatë dhe nuk janë të komplikuara: Bëhet fjalë për një bisedë të thjeshtë në ndonjë lokal. Natyrisht që intervistat janë tërësisht anonime dhe konfidenciale. Përkrahja juaj do të ishte shumë e vlefshme për projektin tonë! Kontakt: Shpresa Jashari në Facebook apo në e-mail,[email protected]