Stagnim i ekonomisë zvicerane në tremujorin e parë

Brutoprodhimi vendor është rritur për vetëm 0.1 për qind në krahasim me tremujorin pararendës, (atë tetor-dhjetor 2015)

Ekonomia e Zvicrës gjatë tremujorit të parë të këtij viti ka stagnuar. Kjo tregohet nga fakti se brutoprodhimi vendor është rritur për vetëm 0.1 për qind në krahasim me tremujorin pararendës, (atë tetor-dhjetor 2015) shkruan srf.ch. Megjithatë, në krahasim me tremujorin e parë të vitit të kaluar, rritja është 0.7 për qind.

Kjo rritje ka ardhur si rezultat i shtimit të shpenzimeve konsumit dhe atyre për ndërtim. Nga ana tjetër shteti gjatë këtij tremujori ka bërë më pak shpenzime dhe rrjedhimisht ka kontribuuar në mënyrë negative në produktin nacional bruto.

Eksporti i mallrave në krahasim me tremujorin e fundit të vitit të kaluar është rritur për 2.1 për qind ndërsa importi, 0.4 për qind.