Spektakël i Vedat Muriqit, shënon katër gola brenda 55 minutave

Sulmuesi i Kosovës, Vedat Muriqi, ka dhuruar një paraqitje të jashtëzakonshme për Fenerbahçen, duke shënuar katër gola brenda 55 minutave në përballjen ndaj Eyüpsporit.

Ndeshja u zhvillua në kuadër të javës së gjashtë të Superligës së Turqisë, në stadiumin “Chobani Fenerbahçe Şükrü Saracoğlu” në Stamboll, përcjell albinfo.ch.

Muriqi ishte i pandalshëm për mbrojtjen kundërshtare, duke realizuar katër herë dhe duke u shndërruar në protagonistin absolut të takimit.

Kjo paraqitje konfirmon formën e jashtëzakonshme të sulmuesit kosovar, i cili është rikthyer këtë verë te Fenerbahçe dhe po bëhet gjithnjë e më i rëndësishëm në repartin sulmues të skuadrës turke.

Fenerbahçe në fund shënoi fitore bindëse me rezultat 8:0 ndaj Eyüpsporit, ndërsa Muriqi regjistroi njërën prej paraqitjeve më të mira individuale në karrierën e tij.

---