Qentë endacakë sulmojnë një kalimtare në Prishtinë

Sopranoja e famshme kosovare, Elbenita Kajtazi, ka shprehur shqetësimin e saj në faqen zyrtare Facebook, derisa ka treguar se si qentë endacakë ia kanë sulmuar motrën në Prishtinë.

Ajo madje u ka bërë apel politikanëve që të merren me këtë problem, pasi që deri tashti ka pasur edhe viktima, përcjell albinfo.ch.

Ky është postimi i plotë i Elbenitës:

Sapo mora një telefonatë të tmerrshme nga motra ime, e cila rrugës për në punë është sulmuar nga qentë endacakë në Dragodan.

A kanë politikanët tanë ndonjë plan për këtë problem, nga i cili deri tashti ka pasur edhe viktima!

E di që shteti ynë ka edhe shumë probleme të tjera që duhet zgjidhur, por sot i ka ndodhur motrës sime, nesër mund t’ju ndodhë të gjithë juve, motrës ose fëmijës suaj, prandaj mendoj që me këtë çështje duhet marrë shumë më seriozisht!