Sivjet nuk ka ngritje çmimesh të biletave të trenit

Ndërmarrja Federale e Hekurudhave (SBB/CFF) ka një lajm të mirë për ta dhënë: gjatë vitit 2015 ajo nuk do të rrisë çmimet e biletave. Kjo, edhe përkundër faktit se frangu i forcuar mund t`i sjellë telashe.

Gjatë vitit 2014 SBB ka shënuar një bilanc pozitiv financiar, duke e rritur fitimin për 135 milionë franga ajo ka realizuar gjithsej 373 milionë. Fitimi i shtuar bazohet kryesisht ne shitjet e patundshmërive.

Kënaqësia e klientëve (udhëtarëve) po ashtu ka shënuar një rritje ndonëse të vogël, gjithsej 0.3% në krahasim me një vit më parë, duke arritur në 75.9 pikë. Pastërtia, oferta e vendeve për ulje, raporti i volitshëm çmim-kualitet, informimi etj. janë vlerësuar lartë nga udhëtarët.

Saktësia e trenave po ashtu ka qenë e kënaqshme.