Sindikatat kërkojnë rritje të pagave për 2%

Perspektiva më të mira ekonomike Zvicra nuk ka pasur ka një kohë të gjatë, shkruan Travail Suisse. Dhe, në përputhje me këtë, duhet të përfitojnë edhe punëmarrësit

Pagat në degë të ndryshme të ekonomisë zvicerane duhet që vitin e ardhshëm të rriten për 2 për qind. Këtë ngritje e kërkon federata e Sindikatave të Zvicrës Travail Suisse me shoqatat  sindikaliste që e përbëjnë atë.

Perspektiva më të mira ekonomike Zvicra nuk ka pasur ka një kohë të gjatë, shkruan Travail Suisse. Dhe, në përputhje me këtë, duhet të përfitojnë edhe punëmarrësit. Ndërsa ajo që dihet është se në vitet e fundit  ka pasur vetëm ngritje fare modeste të pagave të punëtorëve dhe në disa degë ajo ka munguar fare.

Travail Suisse është fokusuar po ashtu edhe te pagat e grave. Ato duhet të rriten detyrimisht, pasi që vazhdon të ketë diskriminim  të gruas në këtë pikë.