Simbolet e krishtera – pa status të veçantë

Më parë, Dhoma Nacionale e Parlamentit kishte miratuar një mocion të CVP-PDC-së për mbrojtjen e simboleve religjioze

Komisioni për politikë të shtetit i Dhomës së Kantoneve të Parlamentit të Zvicrës i ka rekomanduar dhomës në fjalë që të hedhë poshtë iniciativën parlamentare për t`i siguruar simboleve të krishtera status të veçantë.

Më parë, Dhoma Nacionale e Parlamentit kishte miratuar një mocion të CVP-PDC-së për mbrojtjen e simboleve religjioze. Partia në fjalë përmes këtij mocioni reagonte kundër kërkesës së një përfaqësuesi të organizatës së “Mendimtarëve të lirë” në Kantonin e Lucernit. Ky i fundit kishte kërkuar që nga mësojtoret e shkollave të hiqet kruzifix-i (simboli me Krishtin e kryqëzuar).

Komisioni po kështu ka injoruar një iniciativë të Dhomës së Kantoneve për një nen të ri mbi religjionin në Kushtetutën Federale.