Shumica e nënave ushqejnë foshnjat me qumësht të gjirit

nëse në vitin 2003 ishin 21%, në vitin 2014 kjo shkallë është ngjitur në 26%, ka bërë të ditur sot Zyra Federale për Sigurinë e artikujve ushqimorë (BLV)

Keystone

Një studim i realizuar nga SWIFS ka ardhur në konstatimin se d të tretat e nënave ushqejnë fëmijët gjatë tre-katër muajve pas lindjes ashtu si u rekomandohet, vetëm me qumështin e tyre të gjirit, pa shtuar ujë, çaj ose ushqime tjera.

Ky studim, që realizohet një herë në dhjetë vite, ka treguar se përqindja e nënave që ushqejnë fëmijët e tyre ekskluzivisht me qumështin e gjirit, është rritur për 10 për qind nga viti 2003.

Rritje të përqindjes ka pasur edhe te nënat të cilat edhe në muajt e pestë dhe të gjashtë ushqejnë foshnjat e tyre vetëm në mënyrë natyrale. Kështu, nëse në vitin 2003 ishin 21%, në vitin 2014 kjo shkallë është ngjitur në 26%, ka bërë të ditur sot Zyra Federale për Sigurinë e artikujve ushqimorë (BLV).

Studimi ka zbuluar më tutje se ushqimet plotësuese si qulli i bërë nga frutat ose nga perimet, vijnë në radhë në mes të muajit të pestë dhe të shtatë, që është në përputhje me rekomandimet që bëhen nga përgjegjësit në nivel nacional.

Qumështi nga gjiri i nënës furnizon foshnjat me të gjitha materiet e nevojshme ushqyese dhe mbrojtëse. Dhënia gji mund të parandalojë një numër sëmundjesh si te fëmija ashtu dhe te nëna.

Stduimi është marrë edhe me qasjen e etërve në raport me fëmijët e tyre të posalindur dhe ka ardhur në konstatimin se ka një avancim në arrjen e përgjegjësive të tyre në këtë drejtim.