Shumë azilkërkues, pak vende strehimi

Deri në fund të nëntorit ishin regjistruar 20.016 kërkesa për azil, që është për një të tretën më shumë se gjatë gjithë vitit 2010

Rritja në vazhdimësi e numrit të azilkërkuesve ka shtyrë komunat dhe kantonet për të kërkuar vende plotësuese për strehimin e tyre. Me gjithë faktin se gjatë muajve të fundit janë krijuar 2000 vende të reja për strehimin e azilkërkuesve, ky numër edhe më tutje nuk mjafton për kërkesat e mëdha në këtë drejtim.

Kantonet dhe komunat kanë aktualisht në dispozicion më shumë se 24.000 vende. Ndërsa përveç tyre janë edhe 1800 vende të tjera në qendrat e pranimit të federatës.

Numri i azilkërkuesve të paraqitur gjatë vitit 2011 është dukshëm më i madh se sa në vitin 2010. Deri në fund të nëntorit ishin regjistruar 20.016 kërkesa për azil, që është për një të tretën më shumë se gjatë gjithë vitit 2010.