Shuma që shpenzoi mërgimtari për shtatoren e Skënderbeut në Gjakovë

Mërgimtari Gjergj Prenkoçaj është ideatori dhe financuesi i monumentit të heroit Gjergj Kastrioti Skëndërbeut, i cili u përurua të shtunën në Gjakovë.

Kontributi i mërgimtarit ka arritur shumë marramendëse, teksa ceremonia e përurimit u zhvillua me rastin e ditëlindjes së Heroit Kombëtar.

Për Klan Kosova ai ka dhënë detaje rreth idesë dhe shumës së shpenzuar.

“Krijimi i shtatores ka marrë kohë dy vjet. Gjergji me kalin bronz ka kushtuar 120 mijë euro. Bazamenti 31 mijë e 500. Jam në pritje për TVSh-në, por nëse e shohim totalin, shuma është rreth 178  770 mijë euro. Unë e kam financuar vetë, por kam pasur dhe disa shokë që më kanë ndihmuar, diku me 13 mijë euro, pjesa tjetër është çdo gjë imja”, ka thënë ai, transmeton albinfo.ch.