Shtyhet Festivali i Gastronomisë në Prishtinë

Ishte paralajmëruar për datat 13-14 korrik në sheshin “Zahir Pajaziti” në Prishtinë, përcjell albinfo.ch.

Por organizatorët tashmë kanë bërë të ditur se Festivali i Gastronomisë do të shtyhet për shkak të motit të papërshtatshëm. Megjithatë, ende nuk kanë dhënë ndonjë datë të re.

“Ju njoftojmë se kemi vendosur ta shtyjmë datën e mbajtjes së festivalit për shkak të motit me shi dhe të papërshtatshëm që do të jetë këtë fundjavë. Shumë shpejt do t’ ju njoftojmë për datat e reja! Ju kërkojmë falje dhe shpresojmë në mirëkuptimin tuaj. Ju faleminderit të gjithëve për interesimin e madh për të qenë në festival, shihemi së shpejti! Ju mirëpresim”, thuhet në njoftim.

Siç kanë bërë të ditur organizatorët, synimi kryesor i festivalit është njohja e gastronomisë mbarëkombëtare dhe nxitja e shkëmbimit të përvojave mes kuzhinierëve kombëtarë shqiptarë, të cilët operojnë në mbarë botën.