Shtohet numri i vdekjeve, zvogëlohet ai i lindjeve

Gjatë vitit të kaluar në Zvicër ka pasur më tepër raste të vdekjes në krahasim me vitin paraprak, 2014. Siç bën të ditur Zyra Federale për Statistikë, numri i vdekjeve ka qenë 67300 ose për 3300 më i madh se një vit më parë.

Kjo rritje numri i faturohet para së gjithash valës së gripit që kishte kapluar Zvicrën në fillim të vitit 2015 dhe vapës së madhe të korrik-gushtit, shkruan srf.ch. Këto të dyja kanë sjellë numër të madh vdekjesh të personave të moshuar, thuhet në njoftimin e entit në fjalë.

Edhe pse ka shënuar një rënie, numri i lindjeve gjatë vitit 2015 ka qenë më i madh se ai i vdekjeve, transmeton albinfo.ch. 84800 foshnja kanë lindur gjatë vittit që shkoi, ose 400 më pak se një vit më parë.

Sërish kanë lindur më shumë djem se vajza.

Mosha mesatare e nënave që kanë sjellë fëmijë në jetë ka qenë 31.9 vjet, ndërsa në vitin 2014 kjo mesatare ka qenë 31.7 vjet.